Imanalla, shamupashun. Cushicunchijmi quiquinpajman cai shina chayai tucushpa, radio HCJB Lenguas Autoctonospaj ruraycunata rijsichingapaj.
HCJBca tucuy gentecunaman Cristo Jesusta rijsichingapaj, crishpa alli yachacujcuna tucuchun, shinallataj tandanacushca crijcunata sirvinata yachachingapajpishmi tiyan.
Radio HCJBpica Quichua, Quechua, Cofan, Shuar, Waorani, shujtaj ayllucunapajpish programacunata uyachinchij. Cunanca, ishqui chunga yalli dialectocunapi, punllanta chunga sujta horas yalli programacunata uyachinchij cai frecuenciaspi segunda banda (onda corta 6080, 6050 y 3220), AM 690, internetpipish.
Tucui caihuanca: Ima shina Jesusta alli catinatami tucui crijcunata yachachinchij, chaipajca; radiomanta alli yachaicunata, programacunata, shinallataj radiopi ima shina llancanatapish yachachinchijmi.
Chaimi convidanchij Diosta mañachun, maquita cuchun, ñucanchijhuan Tandalla Diospajta Rurashpa catingapaj. "Cai pachapi tucui causajcunapajman rishpa, ñuca yachacujcuna tucuchun yachachigrichij" Mt.28:19
Uyajcuna, paguichij ñucanchij familia shina cashcamanta, ima pudishcapica ayudangapajmi caipi canchij. Achca pagui ñucanchijta agllashcamanta, ninchijmi: !Cunanpish Cristo Jesús Bendiciachun!
