IMATA RURACUNCHIJ
Quishpichij Jesucristo rurashcacunata parlangapaj cayashcacunami canchij. Chaimanta, ñucanchij programacunahuanca iglesiacuna Dios mandashcacunata pajtachinapi, shinallataj quichuacunata servinapipishmi ayudashun ninchij.

Radio HCJBpi Quichua callarishcami ña uni huatacuna. Cunanca, HCJB Lenguas Autóctonos Quitomantaca ishqui chunga yalli dialectocunapi, semanapica 108 horas yalli programacunatami uyachinchij. Cai programacunatacaAM 690 Quitopi, Segunda Banda (6080, 6050 y 3220) frecuenciapimi tucui ñucanchij llajtapi, shujtaj caru llajtacunapipish uyachicunchij. Shinallataj cunanca internetpi.
Programacunataca uyanchinchij tutamanta quimsa horasmanta (3h00) pusaj horas (8h00) punllacama, cutin chishica chushcu horasmanta (16h00) chunga horas (22h00) tutacamami punllanta compañanchij. Charinchij tucui laya programacunata: Bibliata rizashca, Diospaj shimita yachanacuna, iglesiacunamanta, saludoscuna, huillanacuna, tonocuna, shujtajcunatapish. Uyajcunapi yuyashpami ruranchij, imallapipish paicunapaj causaipi ayudangapaj.

Shinallataj, yuyanchijmi ayudashpa catina iglesiacuna sinchiyaipi, allichirinapi, tandarinacuipi; ashtahuanca, utcashpa Dios mandashcacunata ruraipi. Caicama Dios pushamushcamantapish, quiquincunata sirvichun agllashcamantapish achcatami pagui ninchij Yaya Diosta.

DIOSTA, ECUADORTA, TUCUI  AILLUCUNATAPISH SIRVINCHIJ

VER EN ESPAÑOL