Tucui Diospaj huahuacunami yachana canchi, crina canchi, chasquina canchi, apunchi Jesucristota chasquijpi Yaya Dios ima alicunata cushcata, shinallami, Diablo huatashpa charijushcamanda llujshishun, tucui mana alicunata mishashpa Diospaj causangapaj, chaimandami apamuni Dios quiquinman cushca ninan valishca yachanata:

AFIRMACION DOCTRINAL
Shujlla causaj, na llullaj Dios tiashcatami crini (Ex.20:2-3), Dios yaya, Dios churi, Dios Espíritu Santo, paitallami jatunyachinata, alicachinata charinchi, tucuita ruraj cashcamanda, pai charijushcamanda, tucuipaj callari, tucuri cashcamanda (Ap.4:11; 5:9-10;Is.43:1,7,21).

Jesucristo mandaj cashcata, runa aichata yapishpa ñucanchihuan cai pachapi causashcata crishpa chasquinimi (Jn.1:1 y14). Crinimi, Paica, diablo ñucanchita llaquichingapaj tucuita rurashcata tucuchingapajmi shamurca(1Jn.3:8), shinallata, mandajcuna, ushaita charij ayacuna mandanata, tucuicuna ricujta quichushpa, paicunata cruzpi mishashcatapash (Col.2:15).

Dios ñucata juyashcata tucui shunguhuanmi crini, juchajuj cajpimi Cristoca ñucamanda huañurca (Ro.5:8). Yanapi mandaj, mandashpa charijushcamandami quishpichishpa Paipaj mandanaman chinbachihuashca, Paimi jucha huatashca shina charijushcamanda llujchihuashca, juchata perdonahuashca (Col.1:13 y 14).

Diospaj churi cashcata cunanga crinimi (1Jn.3:1-3), Jesucristohuan jahua pachapi tiajushcatapash (Ef.2:6). Diospaj juyaimandalla quishpirishcata crinimi, paita crishcamandalla Dios carashcata, na ñuca ima alita rurashcamanda (Ef.2;8).

Apunchi Jesuspaj ushaihuan shinlli casha ninimi, (Ef.6:10). Ñuca aichapica na crinichu (Fil.3:3), ñuca macanajuipaj armacunaca na aichapajchu (2Cor.10:4). Diospaj tucuilla churajunatami churajuni (Ef.6:10-20), tucui shunguhuan crishpami shinlli catisha, diablota shinlli mishashami.

Jesucristomanda shicanyashpaca nimata na rurai ushanata crinimi (Jn.15:5), shinamandami Jesucristohuan casha nini. Jesucristohuan cashpa, tauca granuta fucuj yurashna casha ninimi, Paita alicachingapaj (Jn.15:8). Diablotaca, Jesucristomi ñuca mandaj ninimi (1Cor.12:3), na chasquinichu ñucapi imata satanás rurangapaj munajujtapash.

Na LLullai ñucata quishpichinatami crini (Jn.8:32), shinallata, michapi purishpalla shujlla shina causaiman chari ushanatapash (1Jn.1:7). Shinamandami shinlli mishangapaj alichirishca cani llullashpa Diablo pandachinamanda, tucui ñuca yuyaita Jesucristotalla cazuchunmi cuni (2 Cor. 10:5). Diospaj shimilla tucuita mandajun ninimi (2Tim.3:15-16). Juyaihuan, na llullashpa parlajmi casha (Ef.4:15).

Ñuca causaj cuerpota cunimi ima cashcata ruraj cachun, jucha illaj cachun, ñuca yuyaita mushujyachinimi, causaj Diospaj shimihuan, Dios munashca ali cashcata yachai ushangapaj, juyailla cashcata, mapa illaj cashcata (Rom.6:13; 12:1-2). Mauca causaita anchuchini tucui nalita rurai munaicunandi, mushuj causaita churajuni (Col.3:9-10), Jesucristopi, mushuj cani ninimi (2Cor.5:17).

Jahua pacha yayata mañanimi ñucapi Paipaj jucha illaj Espirituta jundachichun (Ef.5:18), tucui na llullapi pushachun (Jn.16:13), jucha illaj causangapaj ushaita cuchun, aicha munaita ama rurangapaj (Gal.5;16). Ñuca aichata cruzpimi chacatani (Gal.5:24), Espiritu Santo munashcashnami causai callarini.

Tucui nali munaicunatami saquini, juyaihuan ruranatami japini (1Tim.1:5). Jatun ishcai mandashcatami rurasha nini: Ñuca mandaj Diosta juyanata, tucui ñuca shunguhuan tucui ñuca almahuan, tucui ñuca yuyaihuan, ñuca ima shinami juyarini shinallata shujcunata juyanata (Mt.22:37-39).

Jesucristo jahua pachapipash, cai pachapipash tucuita mandaj cashcatami crini (Mt.28:18), Pailla tucui mandajcunapaj, ushaita chariccunapajpash uma cashcata (Col.2:10). Satanastapash, paita catij ayacunatapash, Jesucristopaj shutipi cazuchi ushanimi Jesuspaj cuerpomanda cashpa (Ef.1:19-23). Dios mandashca Shimicunata cazunimi, shinami Diablotaca shinlli Shayarishpa mishani (Stg.4:7), shinamandami Jesucristopaj shutipi diablotaca mandani ñuca ñaupajmanda anchurichun. AMEN.

Tomado del manual: Pasos hacia la libertad en Cristo, Ganando la batalla Espiritual, por Neil Anderson, traducido y adaptado por: Pastor Luis Santillán.