IMA SHINA CALLARISHCAMANTA
Quichua programacunaca callari pachamantami achca ayuda cashca Ecuador quichuacunapaj, quechuacunapaj, shujtaj llajta ayllucunapajpish, quiquin rimaipi achcacuna uyashcamanta Quishpirinapaj Alli Huillaita.

Quichuapica programacunata ruraita callarishcami mama Carmela Ochoa. Paica mana quichua cashpapish chunga pichca minutos programata ruraj cashca ishqui rimaipi, semanapica shuj cutin.

Quichua Programacunaca asha ashami mirarishpa shamushca. 1960 huatapica cada punllami chaupi horas cashca, asha punllacuna quipaca tucuri semanapajpish mirashca. 1970 huatapajca, ña mirashca ishqui chunga iscun horasman, quipataca pichca chunga horascamami uyachita callarishca quichua programcunataca, Quito HCJBmanta.

Cutin 1978 huataca, quichua crijcunallatajmi mañashca mision HCJBta pushajcunata, astahuan quichua rimaipi programacunata uyachichun tutamantacuna chishiscunapish.
Catij huatacunapi ashtahuan mirachishpa catingapajca, quichua uyajcunapaj ayudahuanmi ishqui transmisorcunata randishca.

Radiohuan, punta crijcunahuan, misionerocunapish tandalla cai huatacunapi trabajashcaca achcatami ayudashca quichua ayllucunapaj causaipica. Ashtahuantajca 1973 huatamanta huichiman, quichuacunallataj quiquin rimaipi Quishpirinamanta ashtahuan yachachishcamanta.

VER EN ESPAÑOL